Thailand e-Visa ကိုယ်တိုင်လျှောက်နည်း အဆင့်ဆင့်

ထိုင်းနိုင်ငံ က ၂၀၂၅ ဇန်နဝါရီလ ၁ ရက်နေ့က စပြီး တစ်ကမ္ဘာလုံးက အလည်လာမယ့်သူတွေကို e-Visa ပြောင်းလျှောက်ဖို့ စတင်လိုက်ပါပြီ။ အရင်အတိုင်း ဗီဇာကင်းလွတ်ခွင့်ရတဲ့နိုင်ငံတွေကတော့ မလိုအပ်ပေမယ့် ကျွန်တော်တို့ မြန်မာနိုင်ငံ လို ဆိုက်ရောက် ၁၄ ရက်နေထိုင်ခွင့်ပဲပေးပြီး ကပ်ကျန်ခဲ့တဲ့ နိုင်ငံအပါအဝင် တချို့နိုင်ငံတွေဟာ ရက်ရှည်နေထိုင်ဖို့အတွက် e-Visa လျှောက်ထားကြရတော့မှာပါ။

e-Visa လျှောက်ထားရာမှာလည်း သိပ်မခက်ခဲလှပေမယ့် စနစ်အသစ်မို့ လုပ်နေမကျသူတွေအတွက် အခက်အခဲရှိနိုင်တာမို့ ဘယ်လို လျှောက်ထားရမလဲ ဆိုတာကို အသေးစိတ် ရှင်းလင်းဖော်ပြပေးလိုက်ပါတယ်ခင်ဗျာ။

ပုံတစ်ပုံစီအလိုက် ဆောင်ရန်၊ ရှောင်ရန်တွေက အစ အသေးစိတ်ရှင်းပြပေးထားတာမို့ လိုက်ပါလုပ်ဆောင်ရ လွယ်ကူသွားမယ်လို့ ယုံကြည်ပါတယ်။ ဗီဇာအလွယ်ရရှိပြီး အားလုံး အဆင်ပြေဖို့ မျှော်လင့်ပါတယ်ဗျ။

အရင်ဆုံးတော့ ထိုင်းနိုင်ငံ eVisa လျှောက်ထားရမယ့် Website ---> https://www.thaievisa.go.th/ ကို ဝင်ပြီး အကောင့်သစ် ပြုလုပ်ရပါတယ်။

ဒါကတော့ အကောင့်သစ်ဖွင့်ဖို့ ဖြည့်ရမယ့်ပုံစံကို နမူနာရှင်းပြပေးထားတာပါ။

ဗီဇာလျှောက်ဖို့အတွက် Apply for a new Visa ကိုနှိပ်ရပါမယ်။

ပေါ်လာတဲ့အတိုင်း လုပ်ဆောင်ရမယ့် အသေးစိတ်ရှင်းပြချက်ပါ

ရွေးချယ်ရမယ့် ပုံစံ ရှင်းလင်းချက်

ပတ်စပို့စာအုပ်ထဲက ကိုယ်ရေးကိုယ်တာ စာမျက်နှာကို ပုံရိုက်တင်ကြရမှာပါ

အချက်အလက် ကို မှန် မမှန် သေချာစစ်ဆေးပါနော်

ကိုယ့်ရဲ့ နေရပ်လိပ်စာ ဖြည့်ရပါပြီ

ဒီနေရာက အရေးကြီးဆုံးပါ... ဘာမှမဟုတ်တာလေးနဲ့ Reject မဖြစ်အောင် သေချာ ဂရုစိုက်ပါနော်

ပတ်စပို့စာအုပ်ပါ အချက်အလက်တွေ ဖြည့်ရမှာမို့ ပတ်စပို့စာအုပ် အနားမှာ ယူထားလိုက်ပါ

ပတ်စပို့စာအုပ်ထဲက ကိုယ်ရေးစာမျက်နှာ၊ ကိုယ့်ရဲ့ ပတ်စပို့အရွယ် လူဓါတ်ပုံ၊ အိမ်ထောင်စုစာရင်းတွေ တင်ပေးရပါတယ်

လေယာဉ်လက်မှတ်ဘိုကင်၊ ဟိုတယ်ဘိုကင်တွေကို ဓါတ်ပုံ သို့မဟုတ် pdf ဖိုင် အသင့်ရှိနေပါစေ

Payment ကို လက်ရှိတော့ အမေရိကန်ဒေါ်လာနဲ့ပဲ သံရုံးမှာ သွားသွင်းပေးရပါဦးမယ်။ သတိပြုရမှာက ကြိုတင်ရက်ချိန်းယူဖို့ လိုအပ်တာပါ။

Non-LA (အလုပ်) ဗီဇာ က လွဲရင် ကျန်တဲ့ ဗီဇာအမျိုးအစားတွေက https://www.thaiconsularyangon.com/evisapay/ ဒီ Website မှာ Booking ကြိုလုပ်ရပါမယ်။

အလုပ်လုပ်မယ့်သူတွေ Non-LA ဗီဇာ အတွက်ကတော့တခြား Website တစ်ခုကနေ ကြိုတင် Booking လုပ်ရမှာပါ။ https://www.thaiconsularyangon.com/labour-visa

အားလုံးပဲ အစဉ်ဘေးကင်းကျန်းမာ စိတ်ချမ်းမြေ့ကြပါစေ

သီဟလုလင် | Thiha, the Traveller

.

ယခု ခရီးသွားဆောင်းပါး နှင့် ဓါတ်ပုံများအား ကျွန်တော်၏ တိုက်ရိုက် ခွင့်ပြုချက်မရှိဘဲ၊ မည်သည့် မီဒီယာ၊ Website နှင့် လူမှုကွန်ယက်ပေါ်တွင်မှ ပြန်လည် ကူးယူဖော်ပြခြင်းများကို လုံးဝ ခွင့်မပြုပါ။